AM ISRAEL

Lire le(s) tehilim(s)

Tehilim 102 en phonétique - Jeudi
Tefilá leani chi iaatof, velifnê Adonai yishpoch sicho
Adonai shim’á tefilati, veshav’ati elêcha tavo
Al taster panêcha mimeni beiom tsar li, hate elai oznêcha beiom ecrá, maher anêni
Ki chalu veashan iamai, veatsmotai kemoked nicháru
Huca chaéssev vayivash libi, ki shachachti meachol lachmi
Micol anchati, daveca atsmi liv’sari
Damíti likeat midbar, hayíti kechos choravot
Shacádti vaehie ketsipor boded al gag
Col haiom cherefuni oievai, meholalai bi nishbáu
Ki éfer caléchem achálti, veshicuvai bivchí massáchti
Mipenê zaamechá vekits’pêcha, ki nassatáni vatashlichêni
Iamai ketsel natúi, vaani caéssev ivash
Veata Adonai leolam teshev, vezich’rechá ledor vador
Ata tacum terachem Tsión, ki et lechenená ki va moed
Ki ratsu avadêcha et avanêha, veet afará iechonênu
Veyireú goyim et shem Adonai, vechol malchê haárets et kevodêcha
Ki vaná Adonai Tsión, nirá bich’vodo
Paná el tefilat haar’ar, velo vazá et tefilatam
Ticatev zot ledor acharon, veam nivrá iehalel Iá
Ki hishkif mimerom codsho, Adonai mishamáyim el érets hibit
Lishmôa encat assir, lefatêach benê temuta
Lessaper betsión shem Adonai, ut’hilato birushaláyim
Behicavets amim iachdav, umamlachot laavod et Adonai
Ina vadérech cochi, kitsar iamai
Omar Eli al taalêni bachatsi iamai, bedor dorim shenotêcha
Lefanim haárets iassádta, umaasse iadêcha shamáyim
Hema iovêdu veata taamod, vechulam cabégued yivlu, calevush tachalifem veiachalôfu
Veata hu, ushnotêcha lo yitamu
Benê avadêcha yishcônu, vezar’am lefanêcha yicon
תהילים -קב- יום חמישי
{א} תְּפִלָּה לְעָנִי כִי יַעֲטֹף וְלִפְנֵי יְהוָה יִשְׁפֹּךְ שִׂיחוֹ:
{ב} יְהוָה שִׁמְעָה תְפִלָּתִי וְשַׁוְעָתִי אֵלֶיךָ תָבוֹא:
{ג} אַל תַּסְתֵּר פָּנֶיךָ מִמֶּנִּי בְּיוֹם צַר לִי הַטֵּה אֵלַי אָזְנֶךָ בְּיוֹם אֶקְרָא מַהֵר עֲנֵנִי:
{ד} כִּי כָלוּ בְעָשָׁן יָמָי וְעַצְמוֹתַי כְּמוֹקֵד נִחָרוּ:
{ה} הוּכָּה כָעֵשֶׂב וַיִּבַשׁ לִבִּי כִּי שָׁכַחְתִּי מֵאֲכֹל לַחְמִי:
{ו} מִקּוֹל אַנְחָתִי דָּבְקָה עַצְמִי לִבְשָׂרִי:
{ז} דָּמִיתִי לִקְאַת מִדְבָּר הָיִיתִי כְּכוֹס חֳרָבוֹת:
{ח} שָׁקַדְתִּי וָאֶהְיֶה כְּצִפּוֹר בּוֹדֵד עַל גָּג:
{ט} כָּל הַיּוֹם חֵרְפוּנִי אוֹיְבָי מְהוֹלָלַי בִּי נִשְׁבָּעוּ:
{י} כִּי אֵפֶר כַּלֶּחֶם אָכָלְתִּי וְשִׁקֻּוַי בִּבְכִי מָסָכְתִּי:
{יא} מִפְּנֵי זַעַמְךָ וְקִצְפֶּךָ כִּי נְשָׂאתַנִי וַתַּשְׁלִיכֵנִי:
{יב} יָמַי כְּצֵל נָטוּי וַאֲנִי כָּעֵשֶׂב אִיבָשׁ:
{יג} וְאַתָּה יְהוָה לְעוֹלָם תֵּשֵׁב וְזִכְרְךָ לְדֹר וָדֹר:
{יד} אַתָּה תָקוּם תְּרַחֵם צִיּוֹן כִּי עֵת לְחֶנְנָהּ כִּי בָא מוֹעֵד:
{טו} כִּי רָצוּ עֲבָדֶיךָ אֶת אֲבָנֶיהָ וְאֶת עֲפָרָהּ יְחֹנֵנוּ:
{טז} וְיִירְאוּ גוֹיִם אֶת שֵׁם יְהוָה וְכָל מַלְכֵי הָאָרֶץ אֶת כְּבוֹדֶךָ:
{יז} כִּי בָנָה יְהוָה צִיּוֹן נִרְאָה בִּכְבוֹדוֹ:
{יח} פָּנָה אֶל תְּפִלַּת הָעַרְעָר וְלֹא בָזָה אֶת תְּפִלָּתָם:
{יט} תִּכָּתֶב זֹאת לְדוֹר אַחֲרוֹן וְעַם נִבְרָא יְהַלֶּל יָהּ:
{כ} כִּי הִשְׁקִיף מִמְּרוֹם קָדְשׁוֹ יְהוָה מִשָּׁמַיִם אֶל אֶרֶץ הִבִּיט:
{כא} לִשְׁמֹעַ אֶנְקַת אָסִיר לְפַתֵּחַ בְּנֵי תְמוּתָה:
{כב} לְסַפֵּר בְּצִיּוֹן שֵׁם יְהוָה וּתְהִלָּתוֹ בִּירוּשָׁלִָם:
{כג} בְּהִקָּבֵץ עַמִּים יַחְדָּו וּמַמְלָכוֹת לַעֲבֹד אֶת יְהוָה:
{כד} עִנָּה בַדֶּרֶךְ (כחו) כֹּחִי קִצַּר יָמָי:
{כה} אֹמַר אֵלִי אַל תַּעֲלֵנִי בַּחֲצִי יָמָי בְּדוֹר דּוֹרִים שְׁנוֹתֶיךָ:
{כו} לְפָנִים הָאָרֶץ יָסַדְתָּ וּמַעֲשֵׂה יָדֶיךָ שָׁמָיִם:
{כז} הֵמָּה יֹאבֵדוּ וְאַתָּה תַעֲמֹד וְכֻלָּם כַּבֶּגֶד יִבְלוּ כַּלְּבוּשׁ תַּחֲלִיפֵם וְיַחֲלֹפוּ:
{כח} וְאַתָּה הוּא וּשְׁנוֹתֶיךָ לֹא יִתָּמּוּ:
{כט} בְּנֵי עֲבָדֶיךָ יִשְׁכּוֹנוּ וְזַרְעָם לְפָנֶיךָ יִכּוֹן: