AM ISRAEL

Lire le(s) tehilim(s)

Tehilim 103 en phonétique - Jeudi
Ledavid barechí nafshi et Adonai, vechol keravai et shem codsho
Barechí nafshi et Adonai veal tishkechi col guemulav
Hassolêach lechol avonêchi, harofe lechol tachaluáichi
Hagoel misháchat chaiáichi, hameaterêchi chéssed verachamim
Hamasbia batov ediech, tit’chadesh canésher neuráichi
Osse tsedacot Adonai, umishpatim lechol ashukim
Iodía derachav lemoshe, livnê Yisrael alilotav
Rachum vachanun Adonai, érech apáyim verav chássed
Lo lanétsach iariv, velo leolam yitor
Lo chachataênu ássa lánu, velo chaavonotênu gamal alênu
Ki chiguevôha shamáyim al haárets, gavar chasdo al iereav
Kir’choc mizrach mimaarav, hir’chic mimenu et peshaênu
Kerachem av al banim, richam Adonai al iereav
Ki hu iadá yits’rênu, zachur ki afar anáchnu
Enosh kechatsir iamav, ketsits hassade ken iatsits
Ki rúach avera bo veenênu, velo iakirênu od mecomo
Vechéssed Adonai meolam vead olam al iereav, vetsidcato livnê vanim
Leshomerê verito, ulzocherê ficudav laassotam
Adonai bashamáyim hechin kis’ó, umalchuto bacol mashála
Barechú Adonai mal’achav, guiborê chôach ossê devaro, lishmôa becol devaro
Barechú Adonai col tsevaav, mesharetav ossê retsono
Barechú Adonai col maassav bechol mecomót memshalto, barechí nafshi et Adonai
תהילים -קג- יום חמישי
{א} לְדָוִד בָּרְכִי נַפְשִׁי אֶת יְהוָה וְכָל קְרָבַי אֶת שֵׁם קָדְשׁוֹ:
{ב} בָּרְכִי נַפְשִׁי אֶת יְהוָה וְאַל תִּשְׁכְּחִי כָּל גְּמוּלָיו:
{ג} הַסֹּלֵחַ לְכָל עֲוֹנֵכִי הָרֹפֵא לְכָל תַּחֲלֻאָיְכִי:
{ד} הַגּוֹאֵל מִשַּׁחַת חַיָּיְכִי הַמְעַטְּרֵכִי חֶסֶד וְרַחֲמִים:
{ה} הַמַּשְׂבִּיַע בַּטּוֹב עֶדְיֵךְ תִּתְחַדֵּשׁ כַּנֶּשֶׁר נְעוּרָיְכִי:
{ו} עֹשֵׂה צְדָקוֹת יְהוָה וּמִשְׁפָּטִים לְכָל עֲשׁוּקִים:
{ז} יוֹדִיעַ דְּרָכָיו לְמֹשֶׁה לִבְנֵי יִשְׂרָאֵל עֲלִילוֹתָיו:
{ח} רַחוּם וְחַנּוּן יְהוָה אֶרֶךְ אַפַּיִם וְרַב חָסֶד:
{ט} לֹא לָנֶצַח יָרִיב וְלֹא לְעוֹלָם יִטּוֹר:
{י} לֹא כַחֲטָאֵינוּ עָשָׂה לָנוּ וְלֹא כַעֲוֹנֹתֵינוּ גָּמַל עָלֵינוּ:
{יא} כִּי כִגְבֹהַּ שָׁמַיִם עַל הָאָרֶץ גָּבַר חַסְדּוֹ עַל יְרֵאָיו:
{יב} כִּרְחֹק מִזְרָח מִמַּעֲרָב הִרְחִיק מִמֶּנּוּ אֶת פְּשָׁעֵינוּ:
{יג} כְּרַחֵם אָב עַל בָּנִים רִחַם יְהוָה עַל יְרֵאָיו:
{יד} כִּי הוּא יָדַע יִצְרֵנוּ זָכוּר כִּי עָפָר אֲנָחְנוּ:
{טו} אֱנוֹשׁ כֶּחָצִיר יָמָיו כְּצִיץ הַשָּׂדֶה כֵּן יָצִיץ:
{טז} כִּי רוּחַ עָבְרָה בּוֹ וְאֵינֶנּוּ וְלֹא יַכִּירֶנּוּ עוֹד מְקוֹמוֹ:
{יז} וְחֶסֶד יְהוָה מֵעוֹלָם וְעַד עוֹלָם עַל יְרֵאָיו וְצִדְקָתוֹ לִבְנֵי בָנִים:
{יח} לְשֹׁמְרֵי בְרִיתוֹ וּלְזֹכְרֵי פִקֻּדָיו לַעֲשׂוֹתָם:
{יט} יְהוָה בַּשָּׁמַיִם הֵכִין כִּסְאוֹ וּמַלְכוּתוֹ בַּכֹּל מָשָׁלָה:
{כ} בָּרְכוּ יְהוָה מַלְאָכָיו גִּבֹּרֵי כֹחַ עֹשֵׂי דְבָרוֹ לִשְׁמֹעַ בְּקוֹל דְּבָרוֹ:
{כא} בָּרְכוּ יְהוָה כָּל צְבָאָיו מְשָׁרְתָיו עֹשֵׂי רְצוֹנוֹ:
{כב} בָּרְכוּ יְהוָה כָּל מַעֲשָׂיו בְּכָל מְקֹמוֹת מֶמְשַׁלְתּוֹ בָּרְכִי נַפְשִׁי אֶת יְהוָה: