AM ISRAEL

Lire le(s) tehilim(s)

Tehilim 104 en phonétique - Jeudi
Barechí nafshí et Adonai, Adonai Elohai gadálta meod, hod vehadar laváshta
Ôte or cassalmá, note shamáyim cairiá
Hamecare vamáyim aliyotav, hassam avim rechuvo, hamehalech al canfê rúach
Osse mal’achav ruchot, mesharetav esh lohet
Iassad érets al mechonêha, bal timot olam vaed
Tehom calevush kissito, al harim iáamdu máyim
Min gaaratechá ienussun, min col raamchá iechafezun
Iaalu harim, ieredu vecaot, el mecom ze iassádeta lahem
Guevul sámta bal iaavorun, bal ieshuvun lechassot haárets
Hameshalêach maianim banechalim, ben harim iehalechun
Iashcu col chaieto sadai, yishberu ferayim tsemaam
Alehem of hashamáyim yishcon, miben ofayim yitenu col
Mashke harim mealiyotav, miperi maassêcha tisba haárets
Matsmíach chatsir labehema, veéssev laavodat haadam, lehotsi léchem min haárets
Veiáin iessamach levav enosh lehats’hil panim mishámen, veléchem levav enosh yis’ad
Yisbeú atse Adonai, arzê Levanon asher nata
Asher sham tsiporim iecanênu, chassidá beroshim betá
Harim haguevohim laieelim, selaim mach’se lashefanim
Assa iarêach lemoadim, shémesh iada mevoô
Táshet chóshech víhi laila, bo tirmos col chaieto iáar
Hakefirim shoaguim latáref, ulvakesh meel ochlam
Tizrach hashémesh ieassefun, veel meonotam yirbatsun
Ietsê adam lefaolo, velaavodato adê árev
Ma rabu maassêcha Adonai, culam bechochma assíta, malea haárets kin’ianêcha
Ze haiam gadol ur’chav iadáyim, sham rémes veen mispar, chaiot ketanot im guedolot
Sham oniyot iehalechun, liv’iatan ze iatsárta lessáchec bo
Culam elêcha iessaberun, latet ochlam beito
Titen lahem yilcotun, tiftach iadechá yisbeun tov
Tastir panêcha yibahelun, tossef rucham yigvaun, veel afaram ieshuvun
Teshalach ruchachá yibareun, ut’chadesh pene adama
Iehi chevod Adonai leolam, yismach Adonai bemaassav
Hamabit laárets vatir’ad, yiga beharim veieeshánu
Ashíra ladonai bechaiái, azamera lelohai beodi
Ieerav alav shichi, anochi esmach badonai
Yitámu chataim min haárets ur’shaim od enam, barechi nafshi et Adonai, haleluiá
תהילים -קד- יום חמישי
א} בָּרְכִי נַפְשִׁי אֶת יְהוָה יְהוָה אֱלֹהַי גָּדַלְתָּ מְּאֹד הוֹד וְהָדָר לָבָשְׁתָּ

ב} עֹטֶה אוֹר כַּשַּׂלְמָה נוֹטֶה שָׁמַיִם כַּיְרִיעָה

ג} הַמְקָרֶה בַמַּיִם עֲלִיּוֹתָיו הַשָּׂם עָבִים רְכוּבוֹ הַמְהַלֵּךְ עַל כַּנְפֵי רוּחַ

ד} עֹשֶׂה מַלְאָכָיו רוּחוֹת מְשָׁרְתָיו אֵשׁ לֹהֵט

ה} יָסַד אֶרֶץ עַל מְכוֹנֶיהָ בַּל תִּמּוֹט עוֹלָם וָעֶד

ו} תְּהוֹם כַּלְּבוּשׁ כִּסִּיתוֹ עַל הָרִים יַעַמְדוּ מָיִם

ז} מִן גַּעֲרָתְךָ יְנוּסוּן מִן קוֹל רַעַמְךָ יֵחָפֵזוּן

ח} יַעֲלוּ הָרִים יֵרְדוּ בְקָעוֹת אֶל מְקוֹם זֶה יָסַדְתָּ לָהֶם

ט} גְּבוּל שַׂמְתָּ בַּל יַעֲבֹרוּן בַּל יְשׁוּבוּן לְכַסּוֹת הָאָרֶץ

י} הַמְשַׁלֵּחַ מַעְיָנִים בַּנְּחָלִים בֵּין הָרִים יְהַלֵּכוּן

יא} יַשְׁקוּ כָּל חַיְתוֹ שָׂדָי יִשְׁבְּרוּ פְרָאִים צְמָאָם

יב} עֲלֵיהֶם עוֹף הַשָּׁמַיִם יִשְׁכּוֹן מִבֵּין עֳפָאיִם יִתְּנוּ קוֹל

יג} מַשְׁקֶה הָרִים מֵעֲלִיּוֹתָיו מִפְּרִי מַעֲשֶׂיךָ תִּשְׂבַּע הָאָרֶץ

יד} מַצְמִיחַ חָצִיר לַבְּהֵמָה וְעֵשֶׂב לַעֲבֹדַת הָאָדָם לְהוֹצִיא לֶחֶם מִן הָאָרֶץ

טו} וְיַיִן יְשַׂמַּח לְבַב אֱנוֹשׁ לְהַצְהִיל פָּנִים מִשָּׁמֶן וְלֶחֶם לְבַב אֱנוֹשׁ יִסְעָד

טז} יִשְׂבְּעוּ עֲצֵי יְהוָה אַרְזֵי לְבָנוֹן אֲשֶׁר נָטָע

יז} אֲשֶׁר שָׁם צִפֳּרִים יְקַנֵּנוּ חֲסִידָה בְּרוֹשִׁים בֵּיתָהּ

יח} הָרִים הַגְּבֹהִים לַיְּעֵלִים סְלָעִים מַחְסֶה לַשְׁפַנִּים

יט} עָשָׂה יָרֵחַ לְמוֹעֲדִים שֶׁמֶשׁ יָדַע מְבוֹאוֹ

כ} תָּשֶׁת חֹשֶׁךְ וִיהִי לָיְלָה בּוֹ תִרְמֹשׂ כָּל חַיְתוֹ יָעַר

כא} הַכְּפִירִים שֹׁאֲגִים לַטָּרֶף וּלְבַקֵּשׁ מֵאֵל אָכְלָם

כב} תִּזְרַח הַשֶּׁמֶשׁ יֵאָסֵפוּן וְאֶל מְעוֹנֹתָם יִרְבָּצוּן

כג} יֵצֵא אָדָם לְפָעֳלוֹ וְלַעֲבֹדָתוֹ עֲדֵי עָרֶב

כד} מָה רַבּוּ מַעֲשֶׂיךָ יְהוָה כֻּלָּם בְּחָכְמָה עָשִׂיתָ מָלְאָה הָאָרֶץ קִנְיָנֶךָ

כה} זֶה הַיָּם גָּדוֹל וּרְחַב יָדָיִם שָׁם רֶמֶשׂ וְאֵין מִסְפָּר חַיּוֹת קְטַנּוֹת עִם גְּדֹלוֹת

כו} שָׁם אֳנִיּוֹת יְהַלֵּכוּן לִוְיָתָן זֶה יָצַרְתָּ לְשַׂחֶק בּוֹ

כז} כֻּלָּם אֵלֶיךָ יְשַׂבֵּרוּן לָתֵת אָכְלָם בְּעִתּוֹ

כח} תִּתֵּן לָהֶם יִלְקֹטוּן תִּפְתַּח יָדְךָ יִשְׂבְּעוּן טוֹב

כט} תַּסְתִּיר פָּנֶיךָ יִבָּהֵלוּן תֹּסֵף רוּחָם יִגְוָעוּן וְאֶל עֲפָרָם יְשׁוּבוּן

ל} תְּשַׁלַּח רוּחֲךָ יִבָּרֵאוּן וּתְחַדֵּשׁ פְּנֵי אֲדָמָה

לא} יְהִי כְבוֹד יְהוָה לְעוֹלָם יִשְׂמַח יְהוָה בְּמַעֲשָׂיו

לב} הַמַּבִּיט לָאָרֶץ וַתִּרְעָד יִגַּע בֶּהָרִים וְיֶעֱשָׁנוּ

לג} אָשִׁירָה לַיהוָה בְּחַיָּי אֲזַמְּרָה לֵאלֹהַי בְּעוֹדִי

לד} יֶעֱרַב עָלָיו שִׂיחִי אָנֹכִי אֶשְׂמַח בַּיהוָה

לה} יִתַּמּוּ חַטָּאִים מִן הָאָרֶץ וּרְשָׁעִים עוֹד אֵינָם בָּרְכִי נַפְשִׁי אֶת יְהוָה הַלְלוּיָהּ