AM ISRAEL

Lire le(s) tehilim(s)

Tehilim 115 en phonétique - Vendredi
Lo lánu Adonai lo lánu, ki leshimchá tem cavod al chasdechá al amitêcha
Láma iomeru hagoyim aiê na Elohehem
Velohênu vashamáyim, col asher chafets assa
Atsabehem késsef vezahav, maassê iedê adam
Pe lahem velo iedabêru, enáyim lahem velo yir’ú
Oznáyim lahem velo yishmáu, af lahem velo ierichun
Iedehem velo iemishun, raglehem velo iehalêchu, lo iegu bigronam
Kemohem yihiu ossehem, col asher botêach bahem
Yisrael betach badonai, ezram umaguinan hu
Bet Aharon bitchú vadonai, ezram umaguinam hu
Yir’ê Adonai bitchú vadonai, ezram umaguinam hu
Adonai zecharánu ievarech, ievarech et bet Yisrael, ievarech et bet Aharon
Ievarech yir’ê Adonai, haketanim im haguedolim
Iossef Adonai alechem, alechem veal benechem
Beruchim atem ladonai, osse shamáyim vaárets
Hashamáyim shamáyim ladonai, vehaárets natan livnê adam
Lo hametim iehalelu Iá, velo col ioredê duma
Vaanáchnu nevarech Iá meata vead olam, halelu Iá
תהילים -קטו- יום שישי
א} לֹא לָנוּ יְהוָה לֹא לָנוּ כִּי לְשִׁמְךָ תֵּן כָּבוֹד עַל חַסְדְּךָ עַל אֲמִתֶּךָ

ב} לָמָּה יֹאמְרוּ הַגּוֹיִם אַיֵּה נָא אֱלֹהֵיהֶם

ג} וֵאלֹהֵינוּ בַשָּׁמָיִם כֹּל אֲשֶׁר חָפֵץ עָשָׂה

ד} עֲצַבֵּיהֶם כֶּסֶף וְזָהָב מַעֲשֵׂה יְדֵי אָדָם

ה} פֶּה לָהֶם וְלֹא יְדַבֵּרוּ עֵינַיִם לָהֶם וְלֹא יִרְאוּ

ו} אָזְנַיִם לָהֶם וְלֹא יִשְׁמָעוּ אַף לָהֶם וְלֹא יְרִיחוּן

ז} יְדֵיהֶם וְלֹא יְמִישׁוּן רַגְלֵיהֶם וְלֹא יְהַלֵּכוּ לֹא יֶהְגּוּ בִּגְרוֹנָם

ח} כְּמוֹהֶם יִהְיוּ עֹשֵׂיהֶם כֹּל אֲשֶׁר בֹּטֵחַ בָּהֶם

ט} יִשְׂרָאֵל בְּטַח בַּיהוָה עֶזְרָם וּמָגִנָּם הוּא

י} בֵּית אַהֲרֹן בִּטְחוּ בַיהוָה עֶזְרָם וּמָגִנָּם הוּא

יא} יִרְאֵי יְהוָה בִּטְחוּ בַיהוָה עֶזְרָם וּמָגִנָּם הוּא

יב} יְהוָה זְכָרָנוּ יְבָרֵךְ יְבָרֵךְ אֶת בֵּית יִשְׂרָאֵל יְבָרֵךְ אֶת בֵּית אַהֲרֹן

יג} יְבָרֵךְ יִרְאֵי יְהוָה הַקְּטַנִּים עִם הַגְּדֹלִים

יד} יֹסֵף יְהוָה עֲלֵיכֶם עֲלֵיכֶם וְעַל בְּנֵיכֶם

טו} בְּרוּכִים אַתֶּם לַיהוָה עֹשֵׂה שָׁמַיִם וָאָרֶץ

טז} הַשָּׁמַיִם שָׁמַיִם לַיהוָה וְהָאָרֶץ נָתַן לִבְנֵי אָדָם

יז} לֹא הַמֵּתִים יְהַלְלוּ יָהּ וְלֹא כָּל יֹרְדֵי דוּמָה

יח} וַאֲנַחְנוּ נְבָרֵךְ יָהּ מֵעַתָּה וְעַד עוֹלָם הַלְלוּיָהּ