Haleluiá, halelu et shem Adonai, halelu avdê Adonai
Sheomedim bevêt Adonai, bechats’rot bet Elohênu
Halelu Iá ki tov Adonai, zamerú lishmo ki naím
Ki Iaacov bachar lo Iá, Yisrael lisgulato
Ki ani iadáti ki gadol Adonai, vaadonênu micol elohim
Col asher chafets Adonai assa, bashamáyim uvaárets, baiamim vechol tehomot
Maale nessiym mic’tse haárets, berakim lamatar assa, môtse rúach meotserotav
Shehica bechorê Mitsráyim, meadam ad behema
Shalach otot umofetim betochêchi Mitsráyim, befar’ó uvchol avadav
Shehica goyim rabim, veharag melachim atsumim
Lessichon mélech haemori, uleog mélech habashan, ulechol mamlechot Kenáan
Venatan artsam nachala, nachala leyisrael amo
Adonai shimchá leolam, Adonai zichrechá ledor vador
Ki iadin Adonai amo, veal avadav yitnecham
Atsabê hagoyim kessef vezahav, maasse iedê adam
Pe lahem velo iedabêru, enáyim lahem velo yir’u
Oznáyim lahem velo iaazínu, af en iesh rúach befihem
Kemohem yihiu ossehem, col asher botêach bahem
Bet Yisrael barechú et Adonai, bet Aharon barechú et Adonai
Bet halevi barechú Adonai, yir’ê Adonai barechú et Adonai
Baruch Adonai mitsión, shochen Ierushaláyim, halelu Iá
א} הַלְלוּיָהּ הַלְלוּ אֶת שֵׁם יְהוָה הַלְלוּ עַבְדֵי יְהוָה
ב} שֶׁעֹמְדִים בְּבֵית יְהוָה בְּחַצְרוֹת בֵּית אֱלֹהֵינוּ
ג} הַלְלוּיָהּ כִּי טוֹב יְהוָה זַמְּרוּ לִשְׁמוֹ כִּי נָעִים
ד} כִּי יַעֲקֹב בָּחַר לוֹ יָהּ יִשְׂרָאֵל לִסְגֻלָּתוֹ
ה} כִּי אֲנִי יָדַעְתִּי כִּי גָדוֹל יְהוָה וַאֲדֹנֵינוּ מִכָּל אֱלֹהִים
ו} כֹּל אֲשֶׁר חָפֵץ יְהוָה עָשָׂה בַּשָּׁמַיִם וּבָאָרֶץ בַּיַּמִּים וְכָל תְּהוֹמוֹת
ז} מַעֲלֶה נְשִׂאִים מִקְצֵה הָאָרֶץ בְּרָקִים לַמָּטָר עָשָׂה מוֹצֵא רוּחַ מֵאוֹצְרוֹתָיו
ח} שֶׁהִכָּה בְּכוֹרֵי מִצְרָיִם מֵאָדָם עַד בְּהֵמָה
ט} שָׁלַח אֹתוֹת וּמֹפְתִים בְּתוֹכֵכִי מִצְרָיִם בְּפַרְעֹה וּבְכָל עֲבָדָיו
י} שֶׁהִכָּה גּוֹיִם רַבִּים וְהָרַג מְלָכִים עֲצוּמִים
יא} לְסִיחוֹן מֶלֶךְ הָאֱמֹרִי וּלְעוֹג מֶלֶךְ הַבָּשָׁן וּלְכֹל מַמְלְכוֹת כְּנָעַן
יב} וְנָתַן אַרְצָם נַחֲלָה נַחֲלָה לְיִשְׂרָאֵל עַמּוֹ
יג} יְהוָה שִׁמְךָ לְעוֹלָם יְהוָה זִכְרְךָ לְדֹר וָדֹר
יד} כִּי יָדִין יְהוָה עַמּוֹ וְעַל עֲבָדָיו יִתְנֶחָם
טו} עֲצַבֵּי הַגּוֹיִם כֶּסֶף וְזָהָב מַעֲשֵׂה יְדֵי אָדָם
טז} פֶּה לָהֶם וְלֹא יְדַבֵּרוּ עֵינַיִם לָהֶם וְלֹא יִרְאוּ
יז} אָזְנַיִם לָהֶם וְלֹא יַאֲזִינוּ אַף אֵין יֶשׁ רוּחַ בְּפִיהֶם
יח} כְּמוֹהֶם יִהְיוּ עֹשֵׂיהֶם כֹּל אֲשֶׁר בֹּטֵחַ בָּהֶם
יט} בֵּית יִשְׂרָאֵל בָּרְכוּ אֶת יְהוָה בֵּית אַהֲרֹן בָּרְכוּ אֶת יְהוָה
כ} בֵּית הַלֵּוִי בָּרְכוּ אֶת יְהוָה יִרְאֵי יְהוָה בָּרְכוּ אֶת יְהוָה
כא} בָּרוּךְ יְהוָה מִצִּיּוֹן שֹׁכֵן יְרוּשָׁלִָם הַלְלוּיָהּ