Tehilá ledavid, aromimchá Elohai hamélech, vaavarechá shimchá leolam vaed
Bechol iom avarechêca, vaahalela shimchá leolam vaed
Gadol Adonai umehulál meód, veligdulató ên chéker
Dor ledor ieshabach maassêcha, ugvurotêcha iaguídu
Hadar kevod hodêcha, vedivrê nifleotêcha assícha
Veezúz noreotêcha iomêru, ugdulatechá assaparêna
Zécher rav tuvechá iabíu, vetsidcatechá ieranênu
Chanún verachún Adonai, érech apáyim ugdól chássed
Tov Adonai lacól, verachámav al col maassáv
Iodúcha Adonai col maassêcha, vachassidêcha ievarechúcha
Kevód malchutechá iomêru, ugvuratechá iedabêru
Lehodía livenê haadam guevurotav, uchvod hadar malchutó
Malchutechá malchut cól olamim, umemshaltechá bechol dor vador
Somêch Adonai lechol hanofelim, vezokef lechol hakefufim
Enê chol elêcha iessabêru, veata notên lahém et ochlám beitó
Potêach et iadêcha, umasbía lechol chái ratsón
Tsadic Adonai bechol deráchav, vechassid bechol maasáv
Caróv Adonai lechol coreáv, lechol asher yicraúhu veemét
Retson iereáv iaassé, veet shav’atam yishmá veioshiem
Shomer Adonai et col ohaváv, veet col hareshaim iashmid
Tehilat Adonai iedaber pi, vivarêch col bassar shem codshó leolam vaed
א} תְּהִלָּה לְדָוִד אֲרוֹמִמְךָ אֱלוֹהַי הַמֶּלֶךְ וַאֲבָרֲכָה שִׁמְךָ לְעוֹלָם וָעֶד
ב} בְּכָל יוֹם אֲבָרֲכֶךָּ וַאֲהַלְלָה שִׁמְךָ לְעוֹלָם וָעֶד
ג} גָּדוֹל יְהוָה וּמְהֻלָּל מְאֹד וְלִגְדֻלָּתוֹ אֵין חֵקֶר
ד} דּוֹר לְדוֹר יְשַׁבַּח מַעֲשֶׂיךָ וּגְבוּרֹתֶיךָ יַגִּידוּ
ה} הֲדַר כְּבוֹד הוֹדֶךָ וְדִבְרֵי נִפְלְאוֹתֶיךָ אָשִׂיחָה
ו} וֶעֱזוּז נוֹרְאֹתֶיךָ יֹאמֵרוּ (וגדולתיך) וּגְדוּלָּתְךָ אֲסַפְּרֶנָּה
ז} זֵכֶר רַב טוּבְךָ יַבִּיעוּ וְצִדְקָתְךָ יְרַנֵּנוּ
ח} חַנּוּן וְרַחוּם יְהוָה אֶרֶךְ אַפַּיִם וּגְדָל חָסֶד
ט} טוֹב יְהוָה לַכֹּל וְרַחֲמָיו עַל כָּל מַעֲשָׂיו
י} יוֹדוּךָ יְהוָה כָּל מַעֲשֶׂיךָ וַחֲסִידֶיךָ יְבָרֲכוּכָה
יא} כְּבוֹד מַלְכוּתְךָ יֹאמֵרוּ וּגְבוּרָתְךָ יְדַבֵּרוּ
יב} לְהוֹדִיעַ לִבְנֵי הָאָדָם גְּבוּרֹתָיו וּכְבוֹד הֲדַר מַלְכוּתוֹ
יג} מַלְכוּתְךָ מַלְכוּת כָּל עֹלָמִים וּמֶמְשֶׁלְתְּךָ בְּכָל דּוֹר וָדוֹר
יד} סוֹמֵךְ יְהוָה לְכָל הַנֹּפְלִים וְזוֹקֵף לְכָל הַכְּפוּפִים
טו} עֵינֵי כֹל אֵלֶיךָ יְשַׂבֵּרוּ וְאַתָּה נוֹתֵן לָהֶם אֶת אָכְלָם בְּעִתּוֹ
טז} פּוֹתֵחַ אֶת יָדֶךָ וּמַשְׂבִּיעַ לְכָל חַי רָצוֹן
יז} צַדִּיק יְהוָה בְּכָל דְּרָכָיו וְחָסִיד בְּכָל מַעֲשָׂיו
יח} קָרוֹב יְהוָה לְכָל קֹרְאָיו לְכֹל אֲשֶׁר יִקְרָאֻהוּ בֶאֱמֶת
יט} רְצוֹן יְרֵאָיו יַעֲשֶׂה וְאֶת שַׁוְעָתָם יִשְׁמַע וְיוֹשִׁיעֵם
כ} שׁוֹמֵר יְהוָה אֶת כָּל אֹהֲבָיו וְאֵת כָּל הָרְשָׁעִים יַשְׁמִיד
כא} תְּהִלַּת יְהוָה יְדַבֶּר פִּי וִיבָרֵךְ כָּל בָּשָׂר שֵׁם קָדְשׁוֹ לְעוֹלָם וָעֶד