AM ISRAEL

Lire le(s) tehilim(s)

Tehilim 147 en phonétique - Samedi
Halelu Iá, ki tov zamerá Elohênu, ki naím nava tehila
Bone Ierushaláyim Adonai, nidchê Yisrael iechanes
Harofe lishvurê lev, umchabesh leatsevotam
Monê mispar lacochavim, lechulam shemot yicra
Gadol adonênu verav côach, litvunato en mispar
Meoded anavim Adonai, mashpil reshaim adê árets
Enu ladonai betoda, zamerú lelohênu vechinor
Hamechassê shamáyim beavim, hamechin laárets matar, hamatsmíach harim chatsir
Noten livehema lachma, livnê orev asher yicráu
Lo vigvurat hassus iechpats, lo veshokê haish yirtse
Rotse Adonai et iereav, et hameiachalim lechasdo
Shabechi Ierushaláyim et Adonai, haleli Eloháyich Tsión
Ki chizak berichê shearáyich, berach banáyich bekirbêch
Hassam guevulêch shalom, chélev chitim iasbiech
Hasholêach imrato árets, ad meherá iaruts devaro
Hanoten shéleg catsámer, kefor caéfer iefazer
Mashlich carcho chefitim, lifnê carato mi iaamod
Yishlach devaro veiamsem, iashev rucho yizelú máyim
Maguid devarav leiaacov, chucav umishpatav leyisrael
Lo ássa chen lechol goi, umishpatim bal iedaum, halelu Iá
תהילים -קמז- יום השבת
{א} הַלְלוּיָהּ כִּי טוֹב זַמְּרָה אֱלֹהֵינוּ כִּי נָעִים נָאוָה תְהִלָּה:
{ב} בּוֹנֵה יְרוּשָׁלִַם יְהוָה נִדְחֵי יִשְׂרָאֵל יְכַנֵּס:
{ג} הָרֹפֵא לִשְׁבוּרֵי לֵב וּמְחַבֵּשׁ לְעַצְּבוֹתָם:
{ד} מוֹנֶה מִסְפָּר לַכּוֹכָבִים לְכֻלָּם שֵׁמוֹת יִקְרָא:
{ה} גָּדוֹל אֲדוֹנֵינוּ וְרַב כֹּחַ לִתְבוּנָתוֹ אֵין מִסְפָּר:
{ו} מְעוֹדֵד עֲנָוִים יְהוָה מַשְׁפִּיל רְשָׁעִים עֲדֵי אָרֶץ:
{ז} עֱנוּ לַיהוָה בְּתוֹדָה זַמְּרוּ לֵאלֹהֵינוּ בְכִנּוֹר:
{ח} הַמְכַסֶּה שָׁמַיִם בְּעָבִים הַמֵּכִין לָאָרֶץ מָטָר הַמַּצְמִיחַ הָרִים חָצִיר:
{ט} נוֹתֵן לִבְהֵמָה לַחְמָהּ לִבְנֵי עֹרֵב אֲשֶׁר יִקְרָאוּ:
{י} לֹא בִגְבוּרַת הַסּוּס יֶחְפָּץ לֹא בְשׁוֹקֵי הָאִישׁ יִרְצֶה:
{יא} רוֹצֶה יְהוָה אֶת יְרֵאָיו אֶת הַמְיַחֲלִים לְחַסְדּוֹ:
{יב} שַׁבְּחִי יְרוּשָׁלִַם אֶת יְהוָה הַלְלִי אֱלֹהַיִךְ צִיּוֹן:
{יג} כִּי חִזַּק בְּרִיחֵי שְׁעָרָיִךְ בֵּרַךְ בָּנַיִךְ בְּקִרְבֵּךְ:
{יד} הַשָּׂם גְּבוּלֵךְ שָׁלוֹם חֵלֶב חִטִּים יַשְׂבִּיעֵךְ:
{טו} הַשֹּׁלֵחַ אִמְרָתוֹ אָרֶץ עַד מְהֵרָה יָרוּץ דְּבָרוֹ:
{טז} הַנֹּתֵן שֶׁלֶג כַּצָּמֶר כְּפוֹר כָּאֵפֶר יְפַזֵּר:
{יז} מַשְׁלִיךְ קַרְחוֹ כְפִתִּים לִפְנֵי קָרָתוֹ מִי יַעֲמֹד:
{יח} יִשְׁלַח דְּבָרוֹ וְיַמְסֵם יַשֵּׁב רוּחוֹ יִזְּלוּ מָיִם:
{יט} מַגִּיד (דברו) דְּבָרָיו לְיַעֲקֹב חֻקָּיו וּמִשְׁפָּטָיו לְיִשְׂרָאֵל:
{כ} לֹא עָשָׂה כֵן לְכָל גּוֹי וּמִשְׁפָּטִים בַּל יְדָעוּם הַלְלוּיָהּ: