Halelu Iá, shíru ladonai shir chadash, tehilato bikehal chassidim
Yismach Yisrael beossav, benê Tsión iaguílu vemalcam
Iehalelu shemo vemachol, betof vechinor iezamerú lo
Ki rotsê Adonai amo, iefaer anavim bishuá
Ialezu chassidim bechavod, ieranenu al mishkevotam
Romemot el bigronam, vechérev pifiyot beiadam
Lassot necama bagoyim, tochechot baleumin
Lessor malchehem bezikim, venichbedehem bechavelê varzel
Laassot bahem mishpat catuv, hadar hu lechol chassidav, halelu Iá
א} הַלְלוּיָהּ שִׁירוּ לַיהוָה שִׁיר חָדָשׁ תְּהִלָּתוֹ בִּקְהַל חֲסִידִים
ב} יִשְׂמַח יִשְׂרָאֵל בְּעֹשָׂיו בְּנֵי צִיּוֹן יָגִילוּ בְמַלְכָּם
ג} יְהַלְלוּ שְׁמוֹ בְמָחוֹל בְּתֹף וְכִנּוֹר יְזַמְּרוּ לוֹ
ד} כִּי רוֹצֶה יְהוָה בְּעַמּוֹ יְפָאֵר עֲנָוִים בִּישׁוּעָה
ה} יַעְלְזוּ חֲסִידִים בְּכָבוֹד יְרַנְּנוּ עַל מִשְׁכְּבוֹתָם
ו} רוֹמְמוֹת אֵל בִּגְרוֹנָם וְחֶרֶב פִּיפִיּוֹת בְּיָדָם
ז} לַעֲשׂוֹת נְקָמָה בַּגּוֹיִם תּוֹכֵחֹת בַּלְאֻמִּים
ח} לֶאְסֹר מַלְכֵיהֶם בְּזִקִּים וְנִכְבְּדֵיהֶם בְּכַבְלֵי בַרְזֶל
ט} לַעֲשׂוֹת בָּהֶם מִשְׁפָּט כָּתוּב הָדָר הוּא לְכָל חֲסִידָיו הַלְלוּיָהּ