Lamnatsêach al mut Laben mizmor ledavid
Odê Adonai bechol libi, assaperá col nifleotêcha
Esmechá veeeltsá vach, azamera shimchá elion
Beshuv oievai achor, yicashelú veiovedú mipanêcha
Ki assita mishpati vedini, iashavta lechisse shofet tsédec
Gaárta goyim, ibadta rashá, shemam machita leolam vaed
Haoiev tamu choravót lanétsach, vearim natashta, avad zich’ram hema
Vadonai leolam ieshev, conen lamishpat kis’o
Vehu yishpot tevel betsédec, iadin leumim bemesharim
Vihi Adonai misgav ladach, misgav leitot batsará
Veyiv’techú vechá iodeê shemêcha, ki lo azavta doreshêcha Adonai
Zamerú ladonai ioshev Tsión, haguídu vaamim alilotav
Ki doresh damim otam zachar, lo shachach tsaacat anavim
Choneneni Adonai, ree onyi missoneai, meromemi mishaarê mávet
Lemaan assaperá col tehilatêcha beshaarê vat Tsión, aguila bishuatêcha
Taveú goyim beshachat assu, beréshet zu tamanu nilkeda raglam
Nodá Adonai mishpat assá, befoal capav nokesh rashá, higaion sêla
Iashuvu reshaim lish’ola, col goyim shechechê Elohim
Ki lo lanétsach yishachach evion, tic’vat aniyim tovad laad
Cuma Adonai al iaoz enósh, yishafetu goyim al panêcha
Shita Adonai morá lahem, iedeú goyim enósh hema sêla
א} לַמְנַצֵּחַ עַל מוּת לַבֵּן מִזְמוֹר לְדָוִד
ב} אוֹדֶה יְהוָה בְּכָל לִבִּי אֲסַפְּרָה כָּל נִפְלְאוֹתֶיךָ
ג} אֶשְׂמְחָה וְאֶעֶלְצָה בָךְ אֲזַמְּרָה שִׁמְךָ עֶלְיוֹן
ד} בְּשׁוּב אוֹיְבַי אָחוֹר יִכָּשְׁלוּ וְיֹאבְדוּ מִפָּנֶיךָ
ה} כִּי עָשִׂיתָ מִשְׁפָּטִי וְדִינִי יָשַׁבְתָּ לְכִסֵּא שׁוֹפֵט צֶדֶק
ו} גָּעַרְתָּ גוֹיִם אִבַּדְתָּ רָשָׁע שְׁמָם מָחִיתָ לְעוֹלָם וָעֶד
ז} הָאוֹיֵב תַּמּוּ חֳרָבוֹת לָנֶצַח וְעָרִים נָתַשְׁתָּ אָבַד זִכְרָם הֵמָּה
ח} וַיהוָה לְעוֹלָם יֵשֵׁב כּוֹנֵן לַמִּשְׁפָּט כִּסְאוֹ
ט} וְהוּא יִשְׁפֹּט תֵּבֵל בְּצֶדֶק יָדִין לְאֻמִּים בְּמֵישָׁרִים
י} וִיהִי יְהוָה מִשְׂגָּב לַדָּךְ מִשְׂגָּב לְעִתּוֹת בַּצָּרָה
יא} וְיִבְטְחוּ בְךָ יוֹדְעֵי שְׁמֶךָ כִּי לֹא עָזַבְתָּ דֹרְשֶׁיךָ יְהוָה
יב} זַמְּרוּ לַיהוָה יֹשֵׁב צִיּוֹן הַגִּידוּ בָעַמִּים עֲלִילוֹתָיו
יג} כִּי דֹרֵשׁ דָּמִים אוֹתָם זָכָר לֹא שָׁכַח צַעֲקַת (עניים) עֲנָוִים
יד} חָנְנֵנִי יְהוָה רְאֵה עָנְיִי מִשֹּׂנְאָי מְרוֹמְמִי מִשַּׁעֲרֵי מָוֶת
טו} לְמַעַן אֲסַפְּרָה כָּל תְּהִלָּתֶיךָ בְּשַׁעֲרֵי בַת צִיּוֹן אָגִילָה בִּישׁוּעָתֶךָ
טז} טָבְעוּ גוֹיִם בְּשַׁחַת עָשׂוּ בְּרֶשֶׁת זוּ טָמָנוּ נִלְכְּדָה רַגְלָם
יז} נוֹדַע יְהוָה מִשְׁפָּט עָשָׂה בְּפֹעַל כַּפָּיו נוֹקֵשׁ רָשָׁע הִגָּיוֹן סֶלָה
יח} יָשׁוּבוּ רְשָׁעִים לִשְׁאוֹלָה כָּל גּוֹיִם שְׁכֵחֵי אֱלֹהִים
יט} כִּי לֹא לָנֶצַח יִשָּׁכַח אֶבְיוֹן תִּקְוַת (ענוים) עֲנִיִּים תֹּאבַד לָעַד
כ} קוּמָה יְהוָה אַל יָעֹז אֱנוֹשׁ יִשָּׁפְטוּ גוֹיִם עַל פָּנֶיךָ
כא} שִׁיתָה יְהוָה מוֹרָה לָהֶם יֵדְעוּ גוֹיִם אֱנוֹשׁ הֵמָּה סֶּלָה