AM ISRAEL

Lire le(s) tehilim(s)

Tehilim 94 en phonétique - Jeudi
El necamot Adonai, El necamot hofía
Hinassê shofet haárets, hashev guemul al gueím
Ad matai reshaim Adonai, ad matai reshaim iaalózu
Iabíu iedaberu atac, yit’amerú col pôale áven
Amechá Adonai iedakeú venachalatechá ieanú
Almana veguer iaharôgu, vitomim ieratsêchu
Vaiomeru lo yir’ê Iá, veló iavin Elohê Iaacov
Bínu boarim baam, uch’silim matai taskílu
Hanôta ózen halo yishma, im iôtser áyin halo iabit
Haiosser goyim halo iochíach, hamelamed adam dáat
Adonai iodêa mach’shevot adam, ki hêma hável
Ashrê haguéver asher teiasserênu Iá, umitoratechá telamedênu
Lehashkit lo míme ra, ad yicarê larasha sháchat
Ki lo yitosh Adonai amo, venachalato lo iaazov
Ki ad tsédec iashuv mishpat, veacharav col yishrê lev
Mi iacum li im mereím, mi yit’iatsev li im pôale áven
Lulê Adonai ezráta li, kim’at shachna dumá nafshi
Im amárti máta ragli, chasdechá Adonai yis’adêni
Berov sar’apai bekirbi, tanchumêcha ieshaash’ú nafshi
Haichovrecha kisse havot, iotser amal ale choc
Iagôdu al néfesh tsadic, vedam naki iarshíu
Vaihi Adonai li lemisgav, velohai letsur mach’si
Vaiáshev alehem et onam uv’raatam iatsmitem, iatsmitem Adonai Elohênu
תהילים -צד- יום חמישי
א} אֵל נְקָמוֹת יְהוָה אֵל נְקָמוֹת הוֹפִיַע

ב} הִנָּשֵׂא שֹׁפֵט הָאָרֶץ הָשֵׁב גְּמוּל עַל גֵּאִים

ג} עַד מָתַי רְשָׁעִים יְהוָה עַד מָתַי רְשָׁעִים יַעֲלֹזוּ

ד} יַבִּיעוּ יְדַבְּרוּ עָתָק יִתְאַמְּרוּ כָּל פֹּעֲלֵי אָוֶן

ה} עַמְּךָ יְהוָה יְדַכְּאוּ וְנַחֲלָתְךָ יְעַנּוּ

ו} אַלְמָנָה וְגֵר יַהֲרֹגוּ וִיתוֹמִים יְרַצֵּחוּ

ז} וַיֹּאמְרוּ לֹא יִרְאֶה יָּהּ וְלֹא יָבִין אֱלֹהֵי יַעֲקֹב

ח} בִּינוּ בֹּעֲרִים בָּעָם וּכְסִילִים מָתַי תַּשְׂכִּילוּ

ט} הֲנֹטַע אֹזֶן הֲלֹא יִשְׁמָע אִם יֹצֵר עַיִן הֲלֹא יַבִּיט

י} הֲיֹסֵר גּוֹיִם הֲלֹא יוֹכִיחַ הַמְלַמֵּד אָדָם דָּעַת

יא} יְהוָה יֹדֵעַ מַחְשְׁבוֹת אָדָם כִּי הֵמָּה הָבֶל

יב} אַשְׁרֵי הַגֶּבֶר אֲשֶׁר תְּיַסְּרֶנּוּ יָּהּ וּמִתּוֹרָתְךָ תְלַמְּדֶנּוּ

יג} לְהַשְׁקִיט לוֹ מִימֵי רָע עַד יִכָּרֶה לָרָשָׁע שָׁחַת

יד} כִּי לֹא יִטֹּשׁ יְהוָה עַמּוֹ וְנַחֲלָתוֹ לֹא יַעֲזֹב

טו} כִּי עַד צֶדֶק יָשׁוּב מִשְׁפָּט וְאַחֲרָיו כָּל יִשְׁרֵי לֵב

טז} מִי יָקוּם לִי עִם מְרֵעִים מִי יִתְיַצֵּב לִי עִם פֹּעֲלֵי אָוֶן

יז} לוּלֵי יְהוָה עֶזְרָתָה לִּי כִּמְעַט שָׁכְנָה דוּמָה נַפְשִׁי

יח} אִם אָמַרְתִּי מָטָה רַגְלִי חַסְדְּךָ יְהוָה יִסְעָדֵנִי

יט} בְּרֹב שַׂרְעַפַּי בְּקִרְבִּי תַּנְחוּמֶיךָ יְשַׁעַשְׁעוּ נַפְשִׁי

כ} הַיְחָבְרְךָ כִּסֵּא הַוּוֹת יֹצֵר עָמָל עֲלֵי חֹק

כא} יָגוֹדּוּ עַל נֶפֶשׁ צַדִּיק וְדָם נָקִי יַרְשִׁיעוּ

כב} וַיְהִי יְהוָה לִי לְמִשְׂגָּב וֵאלֹהַי לְצוּר מַחְסִי

כג} וַיָּשֶׁב עֲלֵיהֶם אֶת אוֹנָם וּבְרָעָתָם יַצְמִיתֵם יַצְמִיתֵם יְהוָה אֱלֹהֵינוּ